Naglab-ot sa 450 ka mga durugista sa rehiyon 6 ang nadakpan sang police regional office 6 halin sang ginbalik ang war on drugs sa PNP umpisa sadtong Disyembre 5, 2017 tubtob Marso 5, 2018.
Sa 450, 181 ang maghalin sa syudad sang Bacolod, 140 sa probinsya sang Negros Occidental, 53 sa syudad sang ILoilo, 29 sa probinsya sang Iloilo, 16 sa Antique, 8 sa Aklan kag 2 ang naaresto sa probinsya sang Guimaras.
Sa datos sang PRO 6, nagapakita nga 71% sang mga naaresto ang naghalin sa Negros.
Aminado ang PRO6 nga madamo pa sang kinahanglan ubrahon sa Negros Occidental kon iligal nga droga ang hambalan ini ang pagatagaan igtalupangod sang kapulisan.
Ginpasiguro naman sang PRO 6 nga wala untat ang ila kampanya kontra iligal nga droga sa bug-os Western Visayas.
