Patay ang usa ka 19 anyos nga lalaki human misukol sa kapulisan atol sa buy bust operation mga alas 10:05 sa gabie niadtong Sabado sa Bolonsiri, Barangay Camama-an ning syudad.
Namatay sa operasyon ang target nga si Egie Boy Resma, ulitawo ug taga Barangay 34.
Si Resma nisukol sa kapulisan pinaagi sa pagpusil sa operatiba gamit ang .38 nga armas busa gipusil usab kini sa kapulisan.
Gidala pa sa Northern Mindanao Medical Center ang suspek apan wala na matabang sa mga doktor.
Nakuha gikan kang Resma ang lima ka sachet sa gituohang shabu ug 500 pesos nga buy bust money.
Gihimo ang operasyon sa mga operatiba sa Police Station 2 Cogon sa pagpanguna sa ilang hepe nga si Police Sr. Inspector Dennis Gutierrez Quindara.
Facebook Comments
