Manila, Philippines – Binigyang diin ni PNP Chief Oscar Albayalde ang kahalagahan ng kampanya kontra illegal na droga.
Sa presentasyon kahapon ng suspek na si Angelito Avenido sa pagpatay kay Ombudsman Assistant Special Prosecutor Atty Madonna Joy Tanyag sa NCRPO sinabi nitong lulong sa ipinagbabawal na gamot ang suspek.
Ayon kay Albayalde tulad ni Avenido, hindi mangingiming pumatay at magnakaw para lang masustentuhan ang bisyo sa illegal na droga.
Giit pa ni Albayalde mas palalawakin pa ng pulisya ang pagtugis sa mga adik upang mabawasan ang karumal dumal na krimen.
Nabatid na maliban sa pagnanakaw, pananakit o pambubugbog ng ka live in partner sangkot din si Avenido sa serye ng pagpatay na ang itinuturong dahilan ay ang pagkakalulong sa ilegal na droga.
