Davao City – Dili mabasol si Pres. Rodrigo Duterte human iyang gideklara ang halapad nga opensiba batok New Peoples Army (NPA) karong panahona.
Sumala ni criminal lawyer ug Ateneo de Davao University (ADDU) law professor Atty. Arnold Abejaron, sa wala pa mahimong presidente ug sa dihang mayor pa sa Davao City si Duterte daan na kining nagpaluyo sa peace talks tali sa mga rebelde hangtod nga nahimong pangulo anaa gihapon ang maong tinguha, apan dili sinsero ang mga rebelde sa pagtuman niini hinungdang nagdeklara og ‘all out war’ ang pamunong nasud.
Tungod niini wala nay rason nga magpabiling gawasnon ang mga National Democratic Front of the Philippines (NDF) consultants kansang tumong sa pagbuhi kanila tungod kay dunay himoong peace negotiation apan karon nga wala na mamahimo na usab silang dakpon pagbalik.
Gibutyag ni Abejaron ang gihanyag sa gobyerno nga tabang og CAFGU employment sa mga lumad usa kini ka alternatibong lakang sa pangulo tungod kay daghan usab ang gina-recruit sa mga NPA nga mga netibo.
Samtang sa hisgutanang halapad nga pagwalk out sa mga estudyante sa University of the Philippines (UP) matud ni Abejaron dili maayo apan kung magprotesta okey lang kung naa sa ensaktong oras.
RadyoMaN Bernard Pantallon
