Roxas City, Capiz – Ginapatutokan ni Warden Arjuna Yngcong ang priso nga nagtuyo sa pagpanginmatay sa CRC sang nakaligad nga adlaw pinaagi sa paglaslas sang iya pulso.
Suno kay Yngcong, magadihun siya sang report nga igapasa sa korte angut sa kaso sang nasambitan nga priso nga nahibaluan nga may yara gali sang dipirensya sa paminsaron.
Samtang sa subong, ginapatutokan ang pagpa-inum sa nasambitan nga preso sang bulong sa bulig sang health officer sang Capiz Rehabilitation center.
Samtang ginpasalamatan naman sang amay sang amo nga inmate ang madasig nga pag-aksyon sang mga provincial guards kag gindala sa ospital ang amu nga biktima matapos ini ang nadiskubrehan nga duguon kag mahina samtang yara sa selda.
Gingamit sang 38-anyos nga inmate sa paglalas ang isa ka blade. Nahibaluan nga ikaduha na ini nga tiun nga magpanginmatay ang amo nga biktima kun sa diin ang una amo sang ini ang yara pa napreso sa President Roxas PNP bangud sa ginapangatubang nga kaso nga illegal possession of firearms. Ginapahayag nga may yara sang deperensya sa panumdoman ang amu nga biktima.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
