WARDEN IT ARC NAG AKO NGA MAY LAPSES RO GWARDIYA SA PAGKAPAEAGIW IT PRISO

27

Kalibo, Aklan – Ging ako ni Aklan Rehabilitation Center ARC Warden Retired Police
Colonel Pedrito Escarilla sa ging patigayon nga committee hearing it Sangguniang
Panlalawigan committee on over-sight, nga may kakueangan ro mga naka duty
nga gwardiya rason nga naka paeagiw ko Setyembre 21, 2019 si JR Isuga Ruiz
samtang may ginapatigayon nga misa sa nasambit nga detention facility.
Suno kay Escarilla, indi gid dapat magtao it bisan maisot nga kumpiyansa ro mga
on duty nga gwardiya bangud owa it ibang gina inisip adlaw=adlaw ro mga
inmates kundi, kon paalin magapaeagiw.
Rekomendasyon ni Escarilla para indi eon mauman ro kapareho nga insidente,
dugang ag well trained nga mga jail guards ag instulasyon it close circuit television
cctv sa ARC.
Samtang sa pagkapaeagiw mat-a ni Victor Tropa sa Batangas Port ko nagtaliwan
nga Oktubre 1, 2019 matapos nga mag atendir it court hearing sa Cainta Rizal
bangud sa kasong double murder, anang ging pahayag nga saea ni jail guard
Igmedio Torda bangud nagpilit raya nga imaw eang nga isaea ro mag escort sa
nasambit nga inmate.
Sa pihak nga parti. bangud nga may ging tukod eon nga investigating body si
Provincial Jailer Governor Florencio Miraflores para mag patigayon it
imbestigasyon angot sa nasambit nga kontrobesiya sa ARC ging rekomendar it SP
committee nga e-lay on the table raya…

Facebook Comments