General Santos City—Nangambot lang si Jail Chief Inspector Jesus Singson ang Jail Warden sa Gensan City Reformatory Center sa issue nga aduna gihapoy druga sulod sa city jail kini human nga gi butyag ni Police Senior Inspector Fernando Manuel Jr., Hepe sa City Drug Enforcement Unit (CDEU) nga sa city jail naggikan ang droga nga gibaligya sa mag-inahan nga Dalandas nga ilang nasikop sa usa ka buy-bust operation.
Sumala pa ni JCI Singson hugot ang ilahang gina himong pagrekisa sa tanang musulod nga dalaw ngadto sulod sa bilanguan hinungdan nga nakurat kini sa pahayag sa labaw sa CDEU.
Apan giangkon usab sa nahisgutan nga wala na ginasuta ang mga dalaw nga gikan sa sulod nga mugawas sa maong bilanguan.
Sa kasamtnagan mas gipahugtan na nila ang ilahang ginahimong pagsuta sa tanang musulod sa bilanguan aron nga mapagkang ang adunay plano nga mag palusot ug droga. (Kasamang Dave Silagan)
