Davao City – Naaktuhan sa kapulisan ang tulo ka mga lalaki nga gika-report nga nanglungkab sa usa ka warehouse sa Purok Vallemer, Robenson Street, Brgy. Paciano Bangoy, Davao City.
Sa report sa Davao City Police Office (DCPO), usa ka confidential informant ang mi-report sa kapulisan pasado ala 1:00 sa hapon, August 25, 2024, kalabot sa tulo ka mga indibidwal nga misulod sa usa ka warehouse ug nangawat og mga lumber ug steel sulod sa tindahan.
Gilayon sab nga girespondehan sa Bajada Police Station ang insidente ug pag-abot sa lugar, didto nakita ang mga suspect mga gilayong mi-surrender sa awtoridad human nila nabantayan nga ma-corner na sila sa kapulisan.
Gilayong gikapkapan ang nahisgutan ug narekober sab gikan kanila ang pipila ka mga ebidensya. Sa pagkakaron, anaa na sa kustodiya sa kapulisan ang mga suspect ug mag-atubang og tukmang kaso.
RadyoMaN Kirby Manzon
Facebook Comments
