Davao City – Subay sa gikumpirmang local transmission sa coronavirus disease kun COVID-19 sa National Capital Region, mas gipa-igmat karon sa City Health Office (CHO) ang katawhan sa Davao.
Gi-awhag karon ni City Health Office (CHO) Technical division Chief Dr. Julinda Acosta ang publiko nga likayan lamang una ang pag-adto ngadto sa mga crowded areas.
Awhag usab sa maong opisyal nga sundon sa tanan ang health advisories ug preventive measures nga gikasugyot karon sa Department of Health (DOH-XI).
Sa pikas bahin, gisulti karon ni DOH-XI Emerging & Re-emerging Infectious Disease (ERID) Staff Dick Estrosas nga duha ang kumpirmadong local coronavirus transmission sa nasud, kini mao ang magtiayong 62 anyos ug 59 anyos nga asawa niini nga taga Cainta, Rizal province kinsa parehong walay travel history.
Sumala ni Estrosas, nagpabiling ‘zero case’ sa COVID 2019 gihapon ang Davao City.
RadyoMaN Aimee Guinita
