Davao City- Nagwarning karon ang Criminal Investigation and Detection Group (CIDG) Davao City sa pagpalit og butane canister gikan sa mga planta sa liquified petroleum gas nga iligal ang operasyon gumikan delikado kini nga gamiton tungod sa dakung posibilidad nga mahimong hinungdan sa sunog.
Gibutyag ni CIDG Davao City Commander Police Lt.Col. Allan Reginald Basiya nga dili luwas gamiton sa pagluto ang butane canister nga gi-refill lang sa mga planta sa LPG nga iligal ang operasyon hatod sa ka-walay permiso gikan sa mga ahensiya sa gobyerno sama sa Department of Energy nga maoy magsusi kon luwas ba o dili ang mga ekipo nga gigamit ug kon sakto ba ang proseso sa pag-refill og gas sa mga butane canister.
Gipasabot ni Basiya nga usa sa hinungdan sa pag-ulbo sa sunog ang butane canister sa mga pagluto subay sa datos gikan sa Bureau of Fire Protection.
Gidasig ni Basiya ang katawhan nga magpalit lang og butane sa mga planta ug sa mga tindahan nga dunay igong mga permiso gikan sa Department of Energy.
RadyoMaN Joel VIray
Facebook Comments
