Warrant of arrest vs Trillanes niani og reaksyon

Davao City – Gikagubtan sa mga Dabawenyo pinaagi sa social media ang pag-isyu sa Regional Trial Court kun RTC Branch 54 sa Davao City og warrant of arrest batok kang Senador Antonio Trillanes IV sa kasong libel.

Sumala sa pipila ka mga netizens, angay lang matud pa ang warrant of arrest kay Trillanes ug daghan ang nanghinaut nga di makagawas sa nasud ang senador.

Samtang walay pay impormasyon ang korte og mupaynsa ba karong adlawa si Senador Trillanes.


Base sa warrant, nagrekomenda ang korte og pyansang 24,000 pesos alang sa temporaryong kagawasan sa senador.

Kahinumduman nga nagpasang-at og kasong libel si Pulong batok kang Trillanes gumikan sa mga akusasyong gikalambigitan matud pa sa anak sa pangulo.

Kaganina, nasumite na ang resolusyon sa hold departure order o HDO batok sa senador apan wala pay gipagula nga HDO ang korte.

Sa interview sa DXDC RMN Davao kay Atty. Rainier Madrid, legal counsel ni Paolo Duterte, subay matud pa kini sa petisyon sa Department of Justice (DOJ) sa Davao court nga mag isyu og HDO aron di makagawas ang senador sa nasud nga gikatakdang mulupad sa pipila ka mga nasud karong Disyembre kutob Pebrero subay sa iyang official duties.

RadyoMaN Renelyn Barbarona

Facebook Comments