Nasayod matud pa ang Golden State Warriors sa ilang mamahimong alas aron nga sirhan na sa dayon ug mapadulong sa ilang mga kamot ang back-to-back NBA championship.
Gipasabot ni All-Star Forward Kevin Durant, kinahanglan matud pa nila ang usa ka solid ug focused nga dula aron nga madepensahan ang ilang trono kontra sa Cleveland Cavaliers.
Gilauman matud pa ni Warriors guard Stephen Curry nga todo ang ibubo sa Cavs sa game 4 human sa pagkasayang sa 51 points ni Lebron James sa game 1 ug ang triple double ni-ini sa game 3.
Maong matud pa ni Curry, kinahanglan nilang mamahimong “enegy wise” ug “focus wise” aron nga matupngan ang pagkayod sa koponan sa Cavs.
Kahinumduman nga una ng gi-ingon nga target sa Warriors nga walison ang Cavs sa ilang sunod nga dula.
Samtang sa pikas bahin, matud pa ni Coach Tyron Lue nga dako pa gihapon ang ilang kumpiyansa sa team nga ilang malustan ang 3-0 deficit.
Matud pa ni Lue, nakatutok ang ilang atensyon karon kung unsaon nila pagkuha ang kadaogan sa game 4 nga pagahimoon ugmang adlawa, Sabado.
