ILOILO City – Patay si Retired SPO2 Ronaldo “Apol” Alag matapos ginluthang sang riding-in-tandem pasado las 8 sang aga, Noviembre 20 sa intersection sang Jalandoni-Delgado pasulod sa Villa Anita City Proper.
Ini ang ginkumpirmar sang iya utod nga si Punong Barangay Fernando Alag.
Suno sa nakakita sa insidente, sakay si Alag sa puti nga Nissan Urvan samtang nagasunod naman sa iya ang motor nga ginasakyan sang mga suspek.
Naghinay ang van kag didto nag overtake ang motorsiklo nga ginasakyan sang mga suspek kag ginbantayan sa bangga ang van sa diin didto na natabo ang pagpangluthang.
Nagtuyo pa ini kuntani nga magbunot sang armas agud magbatu apang wala na niya mahimo bangod naunahan na siya sang mga suspek.
13 ka igo sang bala ang naagum ni Alag sa diin 6 sa atubang kag 7 naman sa likod.
Nakuhaan naman sang CCTV ang pagluthang sa retired pulis.
Padayon pa karun ang imbestigasyon sang kapulisan angot sa insidente agud matumod ang mga suspek.
RMN Photo
