GENERAL SANTOS CITY- Dali nga gisita ang watcher sa usa ka pasyenteng bata nga naadmit sa Dr. Jorge Royeca Hospital human nakit-an sa attending physician nga nagdala og hinagiban niaging gabie.
Sumala sa impormasyon ni Ariel Liwag ang naka-duty nga Civil Security Unit sa Emergency Room sa maong balay tambalanan nga unang gisita si Cesar Mangay, 52-anyos, residente sa Purok Malok, Labangal.
Unang nakit-an si Mangay ni Dra. Jinky Deblois ang Pedia Ward Doctor nga may dalang kutsilyo.
Gikapkapan sa gwardya ang maong lalaki og nakuha sa iyang posesyon ang kutsilyo nga gisulod og supot.
Nakapangayo dayon og tabang ang taga-ospital ngadto sa kapolisan og gitugyan ang kutsilyo.
For more info’s and updates, like and share our official facebook account : www.facebook.com/ifm91.9Gensanofficial/
