Roxas City, Capiz- Natalana nga igapinalisar sang Provincial Office sang Comelec ang listahan sang mga barangay ukon lugar nga igapaidalom sa emmediate concern subong nga Barangay kag SK election.
Suno kay Provincial Comelec Supervisor Atty. Wil Arceño, magasapol sila kaupod ang pamunoan sang Capiz Police Provincial Office(CPPO) matapos ang filing sang Certificate of Candidacy(COCs) sang mga kandidato.
Suno pa diri nga ang mga lugar nga igapaidalom sa election watchlist area amo ang matumod nga lugar kun sa diin masami magamo kag mainit ang eleksyon.
Apang antes sini, igapatigayon anay ang maid-id nga evaluation.
Ginpunto pa ni Arceño nga ang election watchlist area ang concern sang PNP ilabe na sa paghatag sang seguridad samtang sa ila bahin sang Comelec, magahatag lamang sila sang mga inputs kag magatumod kun ano nga lugar ang may yara sang masingki nga kompetisyon sa tiun sang pinili-ay.
Sa madumdoman, base sa interview kay CPPO Provincial Director Samuel Nacion kalakip sa mga banwa nga ginamonitor kun sa diin mainit ang barangay election amo ang banwa sang Tapaz kag pila ka barangay sa Pontevedra.
