Malabo na nga matigayon ang water delivery sa mga kabarangayan sang siyudad nga ginakulang sang tubig bangud sa water crisis.
Ini ang pagpati ni Mr. Joren Sartorio, head sang General Services Office ukon GSO.
Suno kay Sartorio nga daku ang posibilidad nga indi na matigayon ang pagdeliver sang tubig sang siyudad sa affected barangays bangud tuman pa ka sikot sang pag-proseso sang mga papeles para sa nasambit nga katuyuan.
Naibaluan nga maga-agi pa sa Sangguniang panglungsod ang pagdihon sang memorandum of agreement sa MIWD para sa water procurement.
Ginpahayag ni Sartorio nga madugay pa antis ini matigayon kabangdanan maatrasar man ang water delivery kag posible indi na madayon apisar sang deklarasyon sang state of calamity sa siyudad sang Iloilo.
