Davao City – Giangkon karon sa Davao City Water District (DCWD) nga ubay-ubay na ka mga request ang ilang madawat bahin sa pagpataod og linya sa tubig sa Tigatto area.
Kini subay sa mga reklamo nga ilang madawat labot sa baho ug hugaw gani dili mainum nga tubig sa maong lugar.
Gikanayon ni DCWD Deputy Spokesperson CJ Duhaylungsod atol sa Kapehan sa Dabaw adlaw’ng Lunes, dili pa nila ma-aprubahan ang maong mga request sanglit posibleng mabutang sa peligro ang ilang kasamtangang water service connection.
Gani sa pag-abot sa bag-ong supply, malaumon sila nga matubag ang maong mga hangyo sa paghatag usab sa mga pasilidad sa developer sa subdibisyon ngadto kanila.
Pagpasabot ni Duhaylungsod nga kinahanglan adunay saktong source alang sa maong mga residente gani posible kining matuman sa tuig 2021.
“We have already service connections sa Indangan ang sa Tigatto kaso musimang ka (while) Indangan tuloy-tuloy siya from Cabantian, Communal then Indangan. Tigatto kasi diri ka muagi sa DMMA sa pagkakaron we are until the barangay hall kanang duol diha sa school,” saysay niini.
RadyoMaN Jason Amisola
