Sa interbyu sa RMN Davao kang Police Major Gillian Rose Birondo, DCPO WCPD chief, sukad niadtong Enero hangtod Hulyo ning tuiga adunay 49 ka kaso sa pagpangabuso ilawom sa Republic Act 9262 nga natala sa ilahang buhatan.
Sa datos sa WCPD, mas ubos kini kung itandi sa susamang period sa nakalabayng tuig 2022 nga 60 ka mga kaso.
Nanguna ang physical violence nga adunay 41 ka mga insidente ug 11 ka reported psychological violence.
Matud ni Birondo, sagad sa hinungdan sa abusong pisikal tungod kini sa selos sulod sa relasyon.
Busa gipakusgan usab nila ang spiritual approach pinaagi sa mga religious sectors nga mugiya sa komunidad.
Sumala sa WCPD, 24 ang case cleared (regular filing sa kaso) samtang 30 ang solved kun na inquest na ngadto sa korte.
Gibutyag niini duha ang namatay sa Tugbok District ug ning bag-ohay lang usa ang brutal nga gipatay sa iyahang live in partner sa Brgy. Tigatto, Buhangin District, Davao City.
RadyoMaN Aimee Guinita
