Davao City – Miagi sa lawom nga konsultasyon ug pagtuki kauban ang mga magtutudlo, estudyante, ginikanan, stakeholders ug uban pang mga pribado ug pampublikong sektor ang pagpatuman sa adjustment sa school calendar.
Sumala pa kang Jenielito Atillo, ang spokesperson sa Department of Education (DepEd) XI nga ang maong adjustment giplanuhan ug gistudyahan og sakto ilabi na sa pagkonsidera sa weather condition aron masigurong luwas gihapon ang mga magtutudlo ug estudyante bisan sa ting-init.
Gipanigurado usab sa buhatan nga sakto ang mga eskwelahan ug walay kakulangan sa paghatag nila og kaalam.
“Rest assured that even if we have the new schedule now, education will not be in shortage. And the learners will still receive what is appropriate for them in the teaching learning process,” matud ni Atillo.
Karong Mayo 31 gitakdang matapos ang school year 2023-2024 ug mubalik ang klase alang sa school year 2024-2025 sa July 29.
RadyoMaN Ivy Parido
Facebook Comments
