Weather Update! Bagyo, posibling mo-sulod sa PAR karong buntag

47
PC: CDRRMD / PAG-ASA

5:25 AM 16APR2021

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang gibantayang Bagyo (Severe Tropical Storm) nga adunay International name “SURIGAE” GAWAS sa PAR anaa na sa gilay-ong 985 km Sidlakan (East) nga bahin sa Mindanao; kakusgong 110 kph; ug 10 kph nga paglihok sa Kasadpan (Westward) ganihang 3:00 sa buntag. Ang Bagyo posibling mo-sulod sa PAR karon sa buntag (16 April) ug nganlang Bagyong “BISING”.


 

Ang tibuok Mindanao apektado sa Trough o extension sa Bagyo nga anaa GAWAS saa PAR diin makasinati sa mapanganuron nga kalangitan inubanan sa katag-katag nga pag ulan, kilat ug pagpanalugdog.

 

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.5 meters nga balud sa kadagatan sa Northern Mindanao.

 

Nagpabiling mapanganuron sa Cagayan de Oro karong orasa.

 

Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)



 

Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)


 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments