6:10 AM 22JAN18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA kanhing TD “AMANG”) nga anaa SULOD sa Philippine Area of Responsibility (PAR).
Ang gibantayang LPA adunay gilay-ong 195 km Sidlakan Amihanang-sidlakan (East Northeast) nga bahin sa Virac, Catanduanes ganihang 3:00 sa buntag.
Ang ubang parti sa Northern Mindanao (Misamis Oriental, Bukidnon ug Camiguin) maka-sinati sa mapanganuron nga kalangitan inubanan katag-katag nga pag ulan tungod sa Trough sa LPA. Ang Amihan (Northeast Monsoon) dili direktang maka-apekto sa Northern Mindanao.
Kasarangan (moderate) nga hangin gikan sa Habagatang-kasadpan (Southwest) ngadto sa Habagatang-sidlakan (Southeast) maoy mo-resulta sa 1.2 – 2.1 meters nga balud sa kadagatan sa Northern Mindanao.
Samtang ang ubang parti sa Misamis Oriental (Gingoog) ug Bukidnon (Impasug-ong,Lantapan, Cabanglasan, San Fernando) naka-sinati sa hinay (light) ngadto sa kasarangan (moderate) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras basi sa pahimangno sa PAGASA ganihang 4:00 sa buntag.
Madag-umon ngadto sa hinay (light) nga pag ulan ang nasinati sa ubang parti sa Cagayan de Oro karong orasa.
Madag-umon ngadto sa hinay (light) nga pag ulan usab ang nasinati sa ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
