6:40 AM 11SEPT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Samtang ang gibantayang Bagyo (Tropical Depression) anaa sa gilay-ong 1,645 km Sidlakan (East) nga bahin sa Central Luzon; kakusgong 55 kph ug paglihok nga 20 kph Amihanan Amihanang-sidlakan (North Northeast) ganihang 3:00 sa buntag. Ang Bagyo posibling mo-sulod sa PAR unya hapon o gabii ug panganlan kini Bagyong “MARILYN”.
Ang Northern Mindanao dili apektado sa Trough o Extension sa Bagyo apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) ngadto sa kusog (strong) nga hangin gikan sa Kasadpan (West) nga maoy mo-resulta sa 1.2 – 2.8 meters nga balud sa kadagatan sa Mindanao.
Mapanganuron ang ubang parti sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
