Weather Update! Bagyong Ramon, dako ang posibilidad nga mo-landfall sa nasud karong Lunes

73
PC: CDRRMD / PAG-ASA

11:30 PM 15NOV2019

Gipahibalo sa City Disaster Risk Reduction and Management Department o CDRRMD nga basi sa Severe Weather Bulletin sa PAGASA ganihang 11:00 sa gabii, ang sentro sa gibantayang Bagyong (Tropical Storm) “RAMON” adunay gilay-ong 430 km Sidlakan Amihanang-sidlakan (East Northeast) nga bahin sa Casiguran, Aurora; kakusgong 65 kph ug halos walay paglihok ganihang 10:00 sa gabii. Ang bagyo DAKO ang posibilidad nga mo-landfall sa nasud karong Lunes (November 18) sa gabii.


 

Ang tibuok Mindanao dili direktang apektado sa Bagyo ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Forecast Positions:
– 24 Hour (Tomorrow evening): 320 km East of Casiguran, Aurora
– 48 Hour (Sunday evening): 135 km East of Tuguegarao City, Cagayan
– 72 Hour (Monday evening): In the vicinity of Calanasan, Apayao
– 96 Hour (Tuesday evening):230 km West Southwest of Sinait, Ilocos Sur
– 120 Hour (Wednesday evening): 700 km West of Iba, Zambales (OUTSIDE PAR)

 

Walay pag ulan sa Cagayan de Oro karong orasa.

 

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers