Weather Update! Bagyong Ramon, nikusog

136
PC: CDRRMD / PAG-ASA

11:25 AM 13NOV2019

Gipahibalo sa City Disaster Risk Reduction and Management Department o CDRRMD nga basi sa Severe Weather Bulletin sa PAGASA ganihang 11:00 sa buntag, nikusog ug nahimo nang “Tropical Storm” ang gibantayan nga Bagyong “RAMON”. Kini adunay gilay-ong 385 km Sidlakan Amihanang-sidlakan (East Northeast) nga bahin sa Borongan, Eastern Samar; kakusgong 65 kph ug paglihok nga 20 kph Kasadpan Amihanang-kasadpan (West Northwest) ganihang 10:00 sa buntag. Ang bagyo DAKO ang posibilidad nga mo-landfall sa nasud karong Sabado (November 16).


 

Ang tibouk Mindanao dili direktang apektado sa Bagyo ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Forecast Positions:
– 24 Hour (Tomorrow morning): 180 km East Northeast of Virac, Catanduanes
– 48 Hour (Friday morning): 250 km East of Baler, Aurora
– 72 Hour (Saturday morning): 65 km East Northeast of Casiguran, Aurora
– 96 Hour (Sunday morning): In the vicinity of Tabuk, Kalinga
– 120 Hour (Monday morning): 75 km West Northwest of Laoag City, Ilocos Norte

 

Hinay (light) ngadto sa kasarangan (moderate) nga hangin ang magagikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Madag-umon ngadto sa hinay (light) nga pag ulan ang nasinati sa Cagayan de Oro karong orasa.

 

Nagpabiling madag-umon sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Nagpabiling madag-umon usab sa Talakag ug Baungon. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers