Weather Update! Bagyong Rosita posibling mo-gawas sa PAR karong adlawa

181
PC: CDRRMD

11:40 PM 30OCT18

Gipahibalo sa City Disaster Risk Reduction and Management Department  o CDRRMD nga basi sa SEVERE WEATHER BULLETIN alas 11:00 kagabii, ang sentro sa Bagyong (SEVERE TROPICAL STORM) “ROSITA” nagpabilin saiyang kakusgon samtang gapadulong sa kasadpan (West) sa West Philippine Sea, adunay gilay-ong 195 km Kasadpan Amihanang-kasadpan (West Northwest) nga bahin sa Dagupan City, Pangasinan; kakusgong 110 kph ug paglihok nga 25 kph Kasadpan (West) alas 10:00 kagabii.

 

Ang Bagyong Rosita posibling mo-gawas sa PAR karong adlawa (Oct. 31) tali sa hapon ug gabii.

 

Ang Northern Mindanao dili apektado sa Bagyong (STS “ROSITA”) ug sa Trough niini apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Forecast Positions:
-24 Hour(Tomorrow evening): 360 km West of Sinait, Ilocos Sur (OUTSIDE PAR)
-48 Hour(Thursday evening):510 km West Northwest of Laoag City, Ilocos Norte (OUTSIDE PAR)
-72 Hour(Friday evening): 560 km Northwest of Laoag City, Ilocos Norte (OUTSIDE PAR)

 

Nagpabiling madag-umon ngadto sa hinay (light) nga pag ulan ang nasinati sa ubang parti sa CDO karong orasa.

 

Nagpabiling hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Madag-umon ngadto sa hinay (light) nga pag ulan ang nasinati sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments