Weather Update! Bagyong Ulysses, padayong gibantayan sa PAG-ASA

305
PC: CDRRMD / PAG-ASA

5:45 AM 10NOV2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Tropical Storm) “ULYSSES” anaa na sa gilay-ong 555 km Sidlakan (East) nga bahin sa Virac, Catanduanes; kakusgong 65 kph; ug hinay nga paglihok sa Amihanang-kasadpan (Northwestward) ganihang 3:00 sa buntag. Ang Bagyo posibling mo-landfall sa Quezon – Bicol Region karong Miyerkules (November 11) sa gabii ug sa Huwebes (November 12) sa buntag.


 

Ang Northern Mindanao dili apektado sa Bagyo; Trough o extension sa Bagyo ug sa Tail-end of a Cold Front apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.

 

Forecast Positions:

– 24 Hour(Tomorrow morning): 280 km East Northeast of Virac, Catanduanes

– 48 Hour(Thursday morning):60 km West Northwest of Daet, Camarines Norte or 60 km East Northeast of Alabat, Quezon




– 72 Hour(Friday morning): 370 km West of Sangley Point, Cavite City, Cavite

– 96 Hour(Saturday morning):820 km West of Southern Luzon (OUTSIDE PAR)

– 120 Hour(Sunday morning):1,090 km West of Central Luzon (OUTSIDE PAR)

 

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 1.2 – 2.5 meters nga balud sa kadagatan sa tibuok Mindanao.

 

Mapanganuron ang Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments