5:35 AM 28DEC18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Depression) “USMAN” adunay gilay-ong 285 km Sidlakan (East) nga bahin sa Guiuan, Eastern Samar; kakusgong 55 kph ug paglihok nga 10 kph Kasadpan Amihanang-kasadpan (West Northwest) ganihang 4:00 sa buntag.
Ang Bagyong Usman posibling mag-landfall sa Eastern Samar karong Biyernes (December 28) sa gabii ug posibling mo-gawas sa PAR karong Domingo (December 30) sa gabii o Lunes (December 31) sa Buntag.
Ang Northern Mindanao dili apektado sa TD “USMAN” ug Amihan (Norhteast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 1.2 – 4.0 meters nga balud sa kadagatan sa Northern Mindanao.
Forecast Positions:
24 Hour(Tomorrow morning): 75 km West Southwest of Catbalogan City, Samar
48 Hour(Sunday morning):165 km North of Puerto Princesa City, Palawan
72 Hour(Monday morning): 60 km Southeast of Pagasa Island, Palawan (OUTSIDE PAR)
96 Hour(Tuesday morning):285 km West Southwest of Pagasa Island, Palawan (OUTSIDE PAR)
Hinay (light) nga pag ulan ang nasinati sa Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
