Weather Update! LPA, gamay ang tsansa nga mahimong Bagyo

PC: CDRRMD / PAG-ASA

5:40 AM 10MAR2021

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) anaa na sulod sa Philippine Area of Responsibility (PAR). Kini adunay gilay-ong 895 km Sidlakan Habagatang-sidlakan (East Southeast) nga bahin sa Davao City ganihang 3:00 sa buntag. Ang LPA gamay ang tsansa nga mahimong Bagyo.

 

Ang Northern Mindanao dili direktang apektado sa Amihan (Northeast Monsoon) apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdug tungod sa Trough sa Low Pressure Area.


 

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Mapanganuron sa Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments