Weather Update! LPA, gibantayan sa PAG-ASA

60
PC: CDRRMD / PAG-ASA

5:55 AM 21AUGUST2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Kini anaa na sa gilay-ong 210 km Sidlakan (East) nga bahin sa Aparri, Cagayan. Ang LPA dako ang posibilidad nga mahimong bagyo sulod sa 12 – 24 ka oras ug nganlang Bagyong (Tropical Depression) “IGME”.


 

Ang tibuok Mindanao dili apektado sa LPA apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized thunderstorms”.

 

Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Mapanganuron ang Cagayan de Oro karong orasa.

 

Mapanganuron sa ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).




 

Mapanganuron usab sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments