Weather Update! LPA, gibantayan sa PAG-ASA

66
PC: CDRRMD / PAG-ASA

5:50 AM 12MAY2021

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) nga nalakip sa Intertropical Convergence Zone (ITCZ). Kini anaa sa gilay-ong 495 km Sidlakan (East) nga bahin sa Davao City ganihang 3:00 sa buntag. Ang LPA GAMAY ang tsansa nga mamahimong bagyo sa sunod nga mga adlaw.


 

Ang tibuok Mindanao dili direktang apektado sa Low Pressure Area (LPA) ug Easterlies apan makasinati sa mapanganuron nga kalangitan inubanan sa katag-katag nga pag-ulan tungod sa Intertropical Convergence Zone (ITCZ).

 

Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo moresulta sa mga baga nga panganod nga gadala ug pag ulan.

 

Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Walay pag ulan sa Cagayan de Oro karong orasa.



 

Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)


 

Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments