Weather Update! LPA, gibantayan sa PAG-ASA

22
PC: CDRRMD

5:20 PM 08OCT18

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 990 km Sidlakan (East) nga bahin sa Aparri, Cagayan alas 3:00 kagahapon sa hapon.

 

Ang LPA nagpabiling GAMAY ang posibilidad nga mamahimong bagyo.

 

Ang Northern Mindanao dili apektado sa LPA ug Easterlies apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.

 

10:10 PM 08OCT18

Samtang matud usab sa CDRRMD nga basi usab sa pahimangno sa PAGASA alas 10:00 kagabii, ang Northern Mindanao DAKO ang posibilidad nga makasinati sa pag ulan, kilat ug pagpanalugdog (thunderstorms) sulod sa 12 oras.

 

Nagpabiling mapanganuron ang ubang parti sa Cagayan de Oro karong orasa.

 

Nagpabiling madag-umon ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Nagpabiling madag-umon usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments