Weather Update! LPA, nagpabiling GAMAY ang tsansa nga mahimong bagyo

34
PC: CDRRMD / PAG-ASA

5:25 AM 01DEC2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantanyang Low Pressure Area (LPA) sulod sa Philippine Area of Responsibility (PAR) anaa na sa gilay-ong 375 km Sidlakan (East) nga bahin sa Legazpi City, Albay ganihang 3:00 sa buntag. Ang LPA nagpabiling GAMAY ang tsansa nga mahimong bagyo sulod sa 24 ka oras.


 

Ang tibuok Mindanao dili apektado sa LPA; Tail-end of a Frontal System; ug Amihan (Northeast Monsoon) apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorm”.

 

Hinay (light) ngadto sa kasarangan (moderate) nga hangin gikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.5 meters nga balud sa kadagatan sa tibuok Mindanao.

 

Mapanganuron ang Cagayan de Oro karong orasa.

 

Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).




 

Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments