11:30 AM 19NOV18
Gipahibalo sa City Disaster Risk Reduction and Management Department o CDRRMD nga basi sa SEVERE WEATHER BULLETIN ganihang 11:00 sa buntag, ang sentro sa Bagyong (TROPICAL DEPRESSION) “SAMUEL” nagpabilin sa iyang kakusgon nga 55 kph samtang anaa kini sa gilay-ong 605 km Sidlakan (East) nga bahin sa Hinatuan, Surigao del Sur; ug paglihok nga 15 kph Kasadpan Amihanang-kasadpan (West Northwest) ganihang 10:00 sa buntag.
Ang TD “SAMUEL” posibling mo-kusog ug mamahimong Tropical Storm sa dili pa kini mo-landfall sa Siargao-Dinagat Island area karong Martes (November 20) sa gabii ug kini posibling mo-gawas sa PAR karong Huwebes (November 22).
Forecast Positions sa TD “SAMUEL”:
– 24 Hour(Tomorrow morning): 245 km East Northeast of Hinatuan, Surigao del Sur
– 48 Hour(Wednesday morning):In the vicinity of San Lorenzo, Guimaras
– 72 Hour(Thursday morning): 255 km Northwest of Puerto Princesa City, Palawan
– 96 Hour(Friday morning):725 km West Northwest of Puerto Princesa City, Palawan (OUTSIDE PAR)
Ang Misamis Oriental; ug Camiguin gipasulod sa TROPICAL CYCLONE WARNING SIGNAL #1. Kini gapasabot nga mabati ang 30-60 kph nga hangin sulod sa 36 ka oras.
Ang Northern Mindanao maka-sinati sa madag-umon nga kalangitan inubanan sa katag-katag nga pag ulan tungod sa TD “SAMUEL”. Nagpabilin nga dili apektado ang Northern Mindanao sa Amihan (Northeast Monsoon).
Nagapabiling madag-umon sa Cagayan de Oro karong orasa.
Nagpabiling madag-umon ngadto sa hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich.(Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling madag-umon usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
