Weather Update! Northern Mindanao, apektado gihapon sa Habagat

PC: CDRRMD / PAG-ASA

5:20 AM 16OCT2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Bagyong (Tropical Depression) “OFEL” anaa na gawas sa Philippine Area of Responsibility (PAR). Ang sentro sa Bagyo adunay gilay-ong 500 km Kasadpan (West) nga bahin sa Iba, Zambales (Gawas sa PAR); kakusgong 45 kph; ug paglihok nga 20 kph sa Kasadpan Amihanang-kasadpan(West Northwestward) ganihang 4:00 sa buntag.

 

Ang Northern Mindanao dili apektado sa Northeasterly Surface Windflow apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Habagat (Southwest Monsoon).


 

Forecast Position

– 24 Hour(Tomorrow morning): 1,330 km West of Central Luzon (OUTSIDE PAR)

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Habagatang-sidlakan (Southeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Mapanganuron sa Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

CDRRMD pabilin sa pag monitor.

 

Facebook Comments