5:55 PM 13NOV18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 195 km Sidlakan Amihanang-sidlakan (East Northeast) nga bahin sa Davao City, Davao del Sur alas 3:00 sa hapon. Ang LPA GAMAY ang posibilidad nga mamahimong bagyo (Tropical Cyclone).
Ang Northern Mindanao nagpabiling apektado sa Trough sa LPA ug tungod niini maka-sinati sa madag-umon nga kalangitan inubanan sa katag-katag nga pag ulan.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
10:35 PM 13NOV18
Samtang matud sa CDRRMD nga basi usab sa pahimangno sa PAGASA alas 10:00 kagabii, ang Northern Mindanao DAKO ang posibilidad nga maka-sinati sa pag ulan, kilat ug pagpanalugdog (thunderstorms) sulod sa 6 oras.
Gi-wala na ang tanang Thunderstorm Advisories sa tibuok Mindanao basi sa pahimangno sa PAGASA ganihang 8:00 sa gabii.
Madag-umon sa Cagayan de Oro karong orasa.
Madag-umon ang ubang parti sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon usab ang ubang parti sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
