Weather Update! PAG-ASA, dunay gibantayang LPA

PC: CDRRMD / PAG-ASA

6:10 AM 11JAN19

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR). Samtang adunay gibantayang bag-ong LPA nga anaa GAWAS sa PAR sa gilay-ong 1295 km Sidlakan (East) nga bahin sa Davao City, Davao del Sur. Ang LPA GAMAY ang posibilidad nga mamahimong Bagyo sulod 24-48 oras.

Ang Northern Mindanao apektado sa Trough sa LPA ug tungod niini maka-sinati sa madag-umon nga kalangitan inubanan sa katag katag nga pag ulan. Ang Amihan (Northeast Monsoon) dili direktang maka-apekto sa Northern Mindanao.


Kasarangan (moderate) nga hangin gikan sa Amihanang-sidlakan (Northeast) ngadto sa Amihanan (North) maoy mo-resulta sa 1.2 – 2.5 meters nga balud sa kadagatan sa Northern Mindanao.

Samtang, basi sa pahimangno sa PAGASA ganihang 7:40 sa buntag, ang ubang parti sa Misamis Oriental(Magsaysay, Gingoog City, Claveria, Medina, Talisayan) ug Bukidnon (Manolo Fortich, Malitbog, Impasugong, Cabanglasan, Valencia City, San Fernando, Quezon, Maramag, Pangantucan) naka-sinati sa kasarangan (moderate) ngadto sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras.

Madag-umon ngadto sa hinay (light) nga pag ulan ang nasinati sa Cagayan de Oro.

Hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)

Madag-umon ngadto sa hinay (light) nga pag ulan ang nasinati sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.

Facebook Comments