Weather Update! Tibuok Mindanao, nagpabiling apektado sa Easterlies

34
PC: CDRRMD / PAG-ASA

5:30 AM 11APR2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).


 

Ang tibuok Mindanao nagpabiling apektado sa Easterlies diin maka-sinati sa panalagsang pagdag-um ngadto sa mapanganuron nga kalangitan inubanan sa patak patak nga pag ulan.

 

Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.

 

Hinay (light) ngadto sa kasarangan (moderate) nga hangin gikan sa Sidlakan (East) ngadto sa Habagatang-sidlakan (Southeast) nga maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Walay pag ulan sa Cagayan de Oro karong orasa.

 

Walay pag ulan usab sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Mapanganuron sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers