3:45 AM 21JAN19
Gipahibalo sa City Disaster Risk Reduction and Management Department o CDRRMD nga basi sa pahimangno sa PAGASA ganihang 3:00 sa buntag, ang ubang parti sa Misamis Oriental (Gingoog, Magsaysay, Medina, Jasaan) nagpabiling gipasulod sa Yellow Rainfall Warning.
Ang Yellow Rainfall Warning gapasabot nga ang ulan naa sa kasarangan (moderate) ngadto sa kusog (heavy) – 7.5mm to 15mm kada oras.
Ang nasinati nga pag ulan sa nasampit na lugar epekto sa TD “AMANG”.
Nagpabiling madag-umon ngadto sa hinay (light) nga pag ulan ang nasinati sa Cagayan de Oro karong orasa.
Nagpabiling hinay (light) nga pag ulan ang nasinati sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling hinay (light) nga pag ulan usab ang nasinati sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
