Davao City-Patay ng naabtan ang usa ka steel welder sa iyang gitrabahoan nga construction site diha dapit sa Vivaldi Residence Condominium sa may dalang Ramon Magsaysay Avenue bandang alas diyes y media kagahapon sa buntag.
Ang biktima giila nga si Darwin Baudto, 26 anyos nga taga-Km. 12 Sasa ning syudad.
Sumala sa imbestigasyon sa San Pedro PNP, nakita na lamang kining biktima sa kauban niya sa trabaho nga nag buy-od ang lawas sa may tubigan nga bahin ug daw wala nay kinabuhi.
Matod pa sa kapolisan, posibleng nadalin-as si Baudto ug nahulog sa may tubigan nga bahin hinungdan nga mi ground iyang dala nga noozle sa welding machine ug nakuryentihan.
Nasayran nga napurohan ang biktima sa iyang liog nga bahin hinungdan sa iyang kamatayon.
Gisulay pa pagtabang ang maong welder sa DMSF ug gisulay pa sa pag revive apan gi deklara kining patay bandang alas 11:39 kagahapon sa buntag.
Ang patayng lawas sa biktima anaa na sa morgue sa maong ospital alang sa proper disposition.
Kasamang Paul Canono
