Welding dili kawsa sa NCCC tragedy

98

Davao City – Gipapha karon sa Bureau of Fire Protection Davao ang posibilidad nga adunay nagwelding sa atop sa NCCC Mall Of Davao mao nahitabo ang electrical short circuit hinungdan sa sunog.

Matud ni Task Force Spokesperson Sr. Superintendent Jerry Candido nga walay kamatooran ang mikanat nga taho nga welding ang nagpa-trigger sa faulty wiring mao miulbo ang sunog nga milamoy sa tibuok gambalay.


Sa mangilngig nga panghitabo, 37 ka call center agents sa SSI ug 1 ka NCCC employee ang natrap ug namatay dungan sa human gikaon sa nagdilaab nga kalayo ang mall niadtong Disyembre 23 sa miagi nga tuig.

Suma ni Candido nga nagdikit ang duha ka linya sa installation sa kuryente tunga-tunga sa alley sa ikatulong andana mao natigayon ang short circuit sa kuryente pila ka minuto asidir ang shopping time.

Pareho dunay kalapasan ang NCCC mall of Davao ug ang SSI gumikan sa wala pagtuman sa fire safety measures ug uban pa nga pagsupak.

Hinoon gipasalig sa opisyal nga adunay manubag sa sunog ug sa kamatayon sa 38 ka biktima apan nagdumili na si Candido sa pagyagyag sa mga pangalan sa posibleng pasakaan og kaso.

Gikatakda tapuson sa Inter-Agency Anti-Arson Task Force ang imbestigasyon sulod sa duha ka semana gikan karon.

RadyoMaN Joel Viray

Facebook Comments

From Advertisers