Davao City – Usa lamang ka disposal sa mga narekober nga unexploded ordnance (UXO) ug dili usa ka terror attack ang nahitabong pagbusikad sa syudad sa Marawi Miyerkules sa hapon.
Kini ang pagpaklaro karon ni Col. Gerry Besana, Spokesperson sa Western Mindanao Command (WesMinCom) atol sa eksklusibong interview kaniya, human nakahatag og kabalaka ang mikalat nga video sa social media labot sa pagbusikad sa bomba sa Marawi City alas-2:00 sa hapon.
Saysay niini, wala nahatagan og tarong nga impormasyon ang katawhan labot sa nagpadayong clearing operation gani miresulta sa ilang kabalaka.
“Di nakapag-inform ng maayos sa public yung nag undertake ng (unexploded ordnance) disposal so medyo nagkaroon nga panic sa public kasi ang lakas-lakas ng pagsabog,” segun niini.
Dugang ni Besana nga gisabay-sabay sa Explosive Ordnance Division sa Philippine Army ang pagdispose sa mga narekober nga bomba nahitabo sa Sector 5 sa Most Affected Area (MAA) sa Marawi Seige rason sa kusog nga pagbuto.
Samtang gipaniguro sa maong tigpamaba nga way angay kabalak-an ang katawhan sa maong lungsod labot sa seguridad ug gikanayon nga magpahibalo ang awtoridad kung adunay mga ipahigayong scheduled disposal sa UXOs.
RadyoMaN Jason Amisola
