Roxas City, Capiz- Ginpauntat anay sang Western Visayas Medical Center(WVMC) sub-national laboratory ang pagbaton sang mga swab samples nagikan sa tanan nga mga kaprobinsyahan sa rehiyon sais epektibo kahapon nga adlaw Agosto 12, 2020 base sa advisory nga ginpaguha sang Department Of Health- 06.
Ini matapos nga apat ka mga medical laboratory technologist sang WVMC sub-national laboratory ang na-test nga positive sa COVID-19 virus.
May kaangut sini, ginpatigayon anay ang decontamination kag disinfection sa mga gamit sa sulod sang laboratoryo.
Samtang ang DOH- 06 ang padayon naman nga nagapakig-angut sa iban pa nga mga accredited COVID-19 testing laboratories angut sa nasambitan nga pinakaulihi nga development.
Facebook Comments
