Nilinaw ng World Health Organization (WHO) na hindi mas malala ang epekto ng Omicron COVID-19 variant kumpara sa iba pang variant.
Ayon kay WHO Emergencies Director Michael Ryan, batay sa mga preliminary data ay walang ipinapakitang mga ebidensya na hindi gumagana ang COVID-19 vaccines.
Iginiit din ni Ryan na mahalaga ang mga bakuna lalo na’t napatunayan nang nababawasan nito ang tyansa na ma-ospital at masawi ang isang pasyenteng positibo sa COVID-19.
Sa kabila niyan, nagbabala ang WHO na huwag munang makampante lalo na’t preliminary o pauna pa lamang naman ang mga nakakalap na datos ngayon tungkol sa mas nakakahawang variant.
Sa ngayon ay 57 bansa na ang nakapagtala ng kaso ng Omicron variant.
Facebook Comments
