Karon nga nag una ang lungsod sa Roxas nga adunay pinakadako nga kita sa tibuok probinsya sa Zamboanga del norte. Gikabutyag ni Mayor Vallecer nga adunay kompanya sa ilang lungsod nga mag buwisan kini ug minilyon matag tuig.
Sa pagkakaron ang Wilmar Edible Oil sa lungsod sa Roxas ang adunay dako nga nahatag nga buwis mokabat kini ug 10 milyones kada tuig gilangkuban na kini sa business taxes ug real property taxes*.*
Ang buwis pa lang sa Wilmar Edible Oil sakto na ug molabaw na ang ilang kita kung ikumpara sa ubang lungsod sa Zamboanga del norte saysay pa ni Mayor Vallecer.
Gawas sa buwis gikan sa dakong kompanya sa ilang lungsod aduna pud kini lokal nga kita pinaagi sa ilang Pantalan nga kung diin mo kita pud kini ug mo sobra pa sa 10 milyones ka pesos matag tuig ug uban pang gagmay nga kompanya sama sa Seaoil ug mga ginagmay nga negosyo mo kita usab kini ug 40 milyones ka pesos nga matawag ug lokal income sa maong lungsod.
Tungod niini nga mga kompanya dako ang natabang matod pa sa ilang lungsod aron nga mas mapalambo pa nila ang ilang lugar.
Gani naningkamot man si Mayor Vallecer nga ma implemtar na ang bag-ong sistema sa pagkolekta sa buwis kining gitawag og Private Public Partnership program (4P) kay aron mas ma klaro kung pila gayod ang balayrunon sa buhis ug matod pa sa mayor nga wala nay hangyo-ay kung pila ang ilang obligasyon nga nabutang sa sistema.
