Davao City – Gibutyag ni Baliok Police Station Chief of Police Major Romeo Mapanao Jr., nga dili na sila manghilabot kung ugaling mosangko sa negotiation tali sa pamilya ug driver sa Wing Van nga si Renato Garciano, kinsa maoy nakaligis patay sa bag-ohay kang Medtech Lyra Martin Marcito. Si Lyra giingong gikan sa trabahoan sa Davao Doctor ug mopa-uli na unta kini dihang nabanggaan sa Wing Van atol sa iyang pagtabok sa pedestrian lane sa Dumoy road, Talomo District, syudad sa Davao.
Segun ni Mapanao Jr., mas maayo gayod kung kasohan og Reckless Imprudence Resulting to Homicide ang driver sa ingon aron madesiplina.
Giangkon ni Mapanao Jr., duha na ka kaso sa Reckless Imprudence resulting to Homicide, ang wala moabot sa Korte human nagkasinabot ang duha ka partido nga dili na lang ipadayon ang kaso, basta magbayad sa nasabotang kantidad ang mga nakabangga ngadto sa kabanay sa mga biktima. Malaumon si Mapanao, dili pud unta kini mahitabo karon sa kaso sa biktima nga Medtech.
RadyoMaN Joel Viray
Facebook Comments
