Sa interbyu sa DXDC RMN Davao kang Kapitan Allan Angit sa Barangay Baganihan, Marilog, Davao City, ang driver nga namatay nailang si Antonio Olarita, 29 anyos ug residente sa Monkayo, Davao de Oro.
Matud sa Kapitan nga gikan Cagayan de Oro ug padulong Monkayo ang sakyanan sa dihang nibuto ang brake rason nga nawad-an kini og kontrol hinungdan mibangga kini sa bungtod ug nahagbong sa kanal.
Dali usab nga girespondehan sa Central 911 Search and Rescue team ang insidente apan nakabsan na sa kinabuhi ang driver human kini naipit sa sakyanan samtang samaran usab ang helper apan luwas na ang kahimtang human nga nadala sa ospital.
Nagpahimangno ang barangay official sa mga motorista nga mag-amping kanunay sa pagbiyahe aron malikayan ang aksidente.
RadyoMaN Kirby Manzon
