Sa report sa Talomo Police Station, ang mga sakyanan nga nalambigit sa road crash mao ang Hino Mixer Truck, color white gimaneho ni Jonathan Ajero, Fuso Wing Van Truck, gimaneho ni Manuel Traste, Honda Click gimaneho ni Nikko Tulod ug Isuzu Elf Truck, color green, gimaneho ni Ariel Lucagbo.
Sa imbestigasyon sa Traffic Section Talomo Police Station, nasayran nga nabanggaan sa usa ka wing van truck nga adunay kargang tiles ang usa ka mixer truck ug sa kakusog sa impact, natumba usab ang wing van ug nadat-ugan niini ang motorsiklo apan swerte na lamang nga nalagpot ang duha ka backrider ug maayo nalang wala naipit sa wing van. Nakaangkon lamang og samad sa nagkadaiyang parte sa lawas.
Nahinabi usab sa DXDC News Team ang driver sa fuso wing van truck nga si Manuel Traste, iyang gi-angkon nga nawad-an og brake ang iyang gimanehong sakayanan gikan sa Carmen, Davao Del Norte padulong sa syudad sa Digos, apan pag-abot sa maong lugar wa na makontrol og mibangga sa likod sa mixer truck.
Adunay damyos ang tulo ka mga sakyanan, apil na usab ang single motorcycle nga gikustodiya na karon sa Talomo Police Station.
RadyoMaN Don Pulayao
