Report ni: Tita Jen Palomo Debaja
Isa ka Filipina domestic helper sa Hong Kong ang nag daug sang first runner up prize sa ginpatigayon nga National Geographic Wheelock Properties Youth Photo Competition 2017 .
Ginkilala ang pinay kay Joan Pabona,35 anyos sang Ilocos kag naga ubra sa Hong Kong bilang domestic helper halin sang 2013.
‘Sacrifice,’ ang titulo sang entry ni Joan sa black-and-white nga litrato kon sa diin makit an ang isa ka construction worker nga naga suksok sang helmet samtang nagatindog sa atubang sang safety nets nga gina gamit sa bamboo scaffolding sa isa ka construction site.
Kuha ang nasambit nga litrato halin sa 8th floor sang residential building nga iya gina ubrahan sa Happy Valley.
Sa pahayag ni Joan, college palang siya sa Pilipinas sang nag umpisa na siya kuha sang mga litrato kag nadevelop pa gid ang iya interes sa photography sang nag ubra siya sa Hong Kong.
Nag atend man ini sa photography workshops nga gin patigayon sang Social Enterprise Lensational.
Subong nawili na si Joan nga mag libot libot kada day off kaupod ang iya camera dala ang paglaum nga maka capture sang unique nga estorya sang “local life” sang Hong Kong.
May apat ka kategoriya ang kumpetisiyon sa Tema nga ‘Hong Kong Reminiscence: Place, People & Happenings.’
Nakabaton sang 3,518 entries ang nasambit nga kumpetisyon halin sa mga photographers nga naga edad 16 anyos asta 40 anyos nagikan sa Hong Kong, Taiwan, China kg Macau.
