Davao City – Padayong mitaas ang kaso sa pagpangabuso sa kababainhan dinhi sa syudad sa Davao.
Sa gihimong 19th Women Summit karong adlawa, gibutyag ni Integrated Gender and Development Division (IGDD) officer-in-charge Lorna Mandin nga mitaas gikan 800 hangtod 860 ang kaso nga natala sa ilang buhatan sa tuig 2013-2017 diin mayoriya sa kaso kalabutan sa economic abuse.
Nag-una ang kaso sa Violence Against Women and Children (VAWC) , mao ang verbal abuse, physical abuse, emotional abuse ug sexual abuse.
Dugang ni Mandin, sagad sa mga biktima anaa sa Barangay Talomo nga dunay kapin 30 porsento , Buhangin adunay 16% ug 15% anaa sa Poblacion.
Gani kasagaran sa ila mao ang mga unemployed nga kababayen-an.
Malaumon si Mandin nga moubos ang kaso sa pagpangabuso karong tuiga pinaagi usab sa tabang sa gobyerno ug uban pang LGUs nga nagpakabana niini.
RadyoMaN Jason Amisola
