Davao City – Duna nay kausaban sa estado sa kababayen-an kun itandi sa nanglabay’ng mga panahon rason nga patas na kun hisgutan ang pagpanarbaho ug ginarespetohan na usab ang katungod sa mga kababayen-an.
Sumala ni Inday Danao, usa ka sidewalk vendor sa UM Bolton ning dakbayan nga sa unang panahon ang usa ka babaye magsalig lamang sa income sa iyang bana apan sa karon pareho na nga naningkamot aron mapaangat ang ilang pamilya.
Matud ni Danao, ang mga kababayen-an sa karon ginatagaan na og dakong pagtagad sa panggamhanan kun itandi sa nanglabay nga katuigan diin adunay kakuwang sa suporta apan sa karon kun unsa pagtratar sa kalalakinhan ingon man ang mga kababayen-an.
Alang kang Maymay Flores nga taga Sasa, ang mga kababayen-an nalipay sanglit ginarespeto na ang ilang tawhanong katungod.
Gidugang ni Flores nga angayan kasuhan kun dunay nahitabo nga sexual harassment kun pagpangabuso sa mga kababayen-an.
Dakong uyon si Flores sa proposed divorce bill aron matagaan og tsansa ang mga asawa nga ginadagmalan sa ilang bana samtang dili siya uyon sa pagpatuman sa same-sex marriage setup.
RadyoMaN Don Pulayao
